Sajak Sunda " Tutuwuhan "

                    " Tutuwuhan"

      Karya : Rahmat M.Sas Karana

             sumber : pixabay/Hans

Tutuwuhan ngawarah kuring

Nitah sabar

Ka pelak anu dipelak

Teu bisa nannyakeun

Iraha bakal buahan

Tutuwuhan ngawarah kuring

Nitah surti

Akar nu ngaleyep nyiar kahakanan

Teu kadenge rumahuhna

Tangkal nu lungse butuh cihujan

Teu kadenge jumeritna

Daun alum kapanasan

Henteu kadenge inghakna

Tutuwuha  ngawarah kuring

Nitah nyaho mulang tarima

Ka lemah tempatna matuh

Muragkeun dangdaunan

Pikeun kasuburan

Ka manusa nu melakna

Mere bubuahan

Geusan nyambung kahirupan

Dikutip dari buku kumpulan sajak Surat Panjang ti Cijulang.